Mae datblygu perthynas gref a chydlynol gyda’ch gweithiwr cymdeithasol yn rhoi gwell cyfle i chi gael mynediad at y wybodaeth, y cyngor a’r cymorth a allai fod ar gael i chi.
Nod y ddogfen hon yw eich helpu i ddeall y broses fel y gallwch weithio'n fwy effeithiol gyda'r gweithiwr cymdeithasol yn ystod yr asesiad o anghenion gofalwyr. Ei nod yw rhoi’r wybodaeth sydd ei hangen arnoch am eich hawliau ac ystyried ffyrdd i’ch galluogi chi a’r gweithiwr cymdeithasol i gyfathrebu’n well er mwyn meithrin perthnasoedd parhaol, adeiladol sy’n fuddiol i’r ddwy ochr. Rydym yn archwilio beth yw eich hawliau, yn rhoi syniadau i chi ar y ffordd orau o gyfleu eich anghenion a rhestr wirio o bethau i'w hystyried cyn, yn ystod ac ar ôl yr asesiad. Rydym hefyd wedi cynnwys gwybodaeth am sut i gyfathrebu yn ystod y broses o drosglwyddo plentyn i wasanaethau oedolion, rhyddhau o'r ysbyty a beth i'w ystyried wrth baratoi ar gyfer diwedd oes.
