Mae’n bosibl y bydd angen i berson sy’n derbyn gofal gael ei dderbyn i’r ysbyty weithiau. Mae angen cynnwys gofalwyr di-dâl sy'n darparu gofal yn y cartref o'u derbyn ymlaen a chael y wybodaeth ddiweddaraf am gynlluniau rhyddhau.
Rydym wedi gweithio gyda gofalwyr a staff y GIG i ddatblygu'r ddwy set hon o ganllawiau.
Mae’r canllaw arfer da ar gyfer rhyddhau o’r ysbyty yn trafod sut i weithio gyda gofalwyr di-dâl i sicrhau’r cyfnod pontio llyfnaf yn ystod y broses rhyddhau o’r ysbyty.
A ydych yn aelod rheng flaen o staff y GIG sydd am weithio’n well gyda theuluoedd yn y broses rhyddhau o’r ysbyty? Gall y canllaw byrrach hwn roi lle gwych i chi ddarganfod beth allwch chi ei wneud.